ठुकरा के मेरा प्यार mera intkam dekhegi.... Emotional Story

Cute love stories
Credit: Aditya
Type: Emotional

Mera naam Aditya Singh hai, main Ritu Nehra naam ki ladki se bahut karta tha. Main aur Ritu college me saath hi the aur ek dusre se bahut pyar karte the. College poora karne ke baad main ek IT company me job karne lag gaya. Mujhe web developer ki job mil gayi thi aur 2 maheeno ke baad maine Ritu ki job bhi usi company me lagva di.

Sab kuch ek dum sai chal raha tha. Meri salary Rs12000 maheena thi aur aane wale time me badhne wali thi. Meri company me ek Manoj sir bhi the jo mujhse kaafi senior the. Wo company ke IT head the. Maine kai baar notice kia ki Manoj sir Ritu ko ghoor kar dekhte hai aur isliye maine Ritu se bhi keh rakha tha ki Manoj Sir se bach kar rehna.

Lekin Ritu par jaise meri kisi baat ka asar nahi tha. Wo din b din Manoj Sir ke kareeb hoti gayi aur ek din usne mujhse breakup kar liya. Usne breakup ka reason bataya ki Manoj Sir ki salary 2 Lakhs per month hai aur meri salary sirf Rs 12000.

Meri zindagi jaise bikhar si gayi thi lekin fir bhi maine khud ko jaise taise sambhala aur agle din office gaya. Lekin office pahunchne ke kuch minutes baad hi mere table par mera resignation aa gaya aur mujhe usi waqt office se suspend kar diya gaya. Us waqt maine soch liya tha ki is bewafai ka, is Dhoke ka jawaab Ritu ko zarur doonga.

Office se nikaale jaane ke baad maine bahut naukri dhoondne ki koshish ki lekin mujhe koi acchi naukri nahi mili. Fir maine kuch apna khud ka kaam shuru karne ki sochi. Maine 3 aur web developers ke saath ek choti si company shuru ki aur bhagwan ki blessing se meri company accha business bhi karne lagi.

Sirf 2 saal me hi meri company ka turn over 5 crore ho gaya aur dekhte hi dekhte main eek office Canada me bhi khol liya. Meri company har din ke saath accha business karne lagi. Aur fir ek din meri company me kaam kar rahi ek ladki ne mujhe kaha ki uski ek friend ko job ki zarurat hai. Maine bina kuch soche use interview par aane ko kaha.

Agle din main apne office me baitha tha ki mere manager ne mujhe kaha k Ritu naam ki ladki interview ke liye aayi hai. Jab maine us ladki ka poora naam suna to usne kaha Ritu Nehra aur us waqt main thoda shocked ho gaya tha. Maine us ladki ko interview ke liye andar aane ko kaha aur saamne Ritu khadi thi jo mera kabhi saccha pyar hua karti thi. Ritu bhi mujhe dekhkar ekdum shock ho gayi thi.

Maine bina kuch bole Ritu ko job par rakh liya aur uski salary 2 lakh aur 1 rupaye fix kar di. Ritu ne mujhe isliye chhoda tha kyunki Manoj ki salary 2 lakh thi aur isiliye maine Ritu ki salary 2 lakh se ek rupaye zyada rakhi thi. Main Ritu ko batana chahta tha ki usne kya khoya hai.

Mujhe mere manager ne bataya ki Ritu ka husband shadi ke 6 maheene baad hi use chhod kar divorce de gaya tha. Lekin ab mujhe isse koi fark nahi padne wala tha.

Job ke pehle hi din Ritu lunch time me mere cabin me aayi aur mujhe sorry kaha. Maine use kaha “Ritu, ab mujhe koi fark nahi padta, chahe tum mujhe sorry kaho ya kuch aur. Tumne sirf zyada salary ke liye mujhse breakup kiya tha aur tabhi se mujhe tumse nafrat ho gayi thi. Ab tum mere liye sirf ek meri company me kaam karne wali worker ho, isse zyada mujhse koi ummeed mat rakhna.”

Us din Ritu par daya karke maine apna inteqam poora kiya, ab shayad main chain se jee paunga.