Meri girlfriend meri jaan hai krishan aur minakshi ki love story

Mera naam Krishan Kant hai aur main Aurangabad se hu. Maine abhi abhi apni graduation complete ki hai aur ek choti si company me naukri karta hu. Mujhe Rs 8000 per month milte hai lekin agar main overtime kar lu to zyada bhi ban jaate hai.

Meri ek girlfriend hai jiska naam Meenakshi hai. Hum dono ek dusre ko pichle 3 saal se pasand karte hai. Main usse bahut pyar karta hu lekin abhi tak mujhe ye nahi pata tha ki wo bhi mujhse itna hi pyar karti hai ya nahi.

Sacche Pyaar ki Kahani

Kuch dino baad Meenakshi ka birthday tha aur maine socha ki is baar use koi accha sa thoda mehanga mobile phone gift karu. Lekin dikkat ye thi ki mera budget nahi ban raha tha. Aap to jaante ho ki Rs 8000 maheene ke koi zyada nahi hote.

Sacche Pyaar ki Kahani

Use gift dene ke liye maine overtime karna shuru kar diya. Ab main din me 12 – 12 ghante kaam karne laga. Meenakshi hamesha mujhse poochti thi ki aajkal tum milne nahi aate ho, phone par bhi kam baat karte ho… to main koi na koi bahana bana deta tha. Mai use surprise gift dena chahta tha aur nahi chahta tha ki use mere overtime ke bare me pata chale.

Sacche Pyaar ki Kahani

2 maheene ke baad jab Meenakshi ka birthday aaya to main khushi khushi usse milne gaya. Jab usne mujhe dekha to sabse pehle usne mujhse poocha “tum itne duble patle kaise ho gaye, itne kamzor kyu dikh rahe ho?? Kahi zyada kaam to nahi kar rahe?” Maine kaha are nahi baba. Maine use birthday wish kiya aur uska moble ka gift use diya.

Sacche Pyaar ki Kahani

Usne gift khola aur mobile dekhkar uske chehre par naarazgi si aa gayi. Maine poocha “Kya hua Meenakshi, gift pasand nahi aaya?”

Usne kaha “main sab samajh gayi….Tum itne dino se mere liye ye gift khareedne ke liye overtime kar rahe the na? Kyu kiya tumne aisa? Are mere liye tum aur tumhara pyar hi sabse bada gift hai, aage se kabhi aisa mat karna”

Mai hairaan tha ki use kaise itna kuch pata chal jaata hai. Uski ye baate sunkar mujhe yakeen ho gaya ki wo mujhse bahut pyar karti hai aur mujhe kabhi dukhi ya pareshaan nahi dekh sakti. Us waqt main emotional ho gaya tha.

Sacche Pyaar ki Kahani

Usne mujhe hug kiya aur kaha ki use gift accha laga lekin kabhi aisa dobara mat karna. Usne kaha “tumhari sehat aur tumhari zindagi mere liye sabse pehle hai aur tumhare liye main aise kai gift kurbaan kar sakti hu”

Friends, mujhe lagta hai main bahut lucky hu jo mujhe aisi pyar karne wali ladki mili. Main poori koshish kar raha hu ki kisi acchi company me job mil sake taki main jald se jald Meenakshi se shadi kar saku. Mere liye pray zarur karna dosto.

Friends aapko ye meri Sacche Pyaar ki Kahani pyari lagi ho to SHARE zarur kare.

Thanks